Nga kërkimi për një fillim të ri, te ndërtimi i një platforme unike
Shumë histori fillojnë me një pasion. Kjo filloi me nevojë.
Pas përfundimit të lejes së lindjes, Elena Velaj, themeluesja e Stampisti, u përball me një realitet jo të panjohur për shumë nëna të reja në Shqipëri, vështirësinë për të gjetur një punë që i përshtatej realitetit të ri familjar. Në vend që të dorëzohej, ajo zgjodhi të krijojë diçka te sajën.
Duke ndjerë mungesën e produkteve vërtet të personalizuara në tregun shqiptar dhe duke u përballur shpesh me kërkesa të kota për ndihmë në dizajn, ajo vendosi të ndërtojë një zgjidhje të thjeshtë dhe të mençur, Stampisti.al

Çfarë është Stampisti?
Stampisti është platforma e parë në Shqipëri për print-on-demand, një website që funksionon tërësisht online, i cili u mundëson përdoruesve të krijojnë dhe porosisin produkte promocionale me dizajne të personalizuara. Në vend që të komunikojnë me një dizajner ose të presin përmes emailesh, klientët thjesht hyjnë në platformë, zgjedhin produktin (p.sh. një bluzë apo kupë), krijojnë dizajnin e tyre dhe porosisin. Stampisti është si një mini-studio grafike në ekranin tënd, funksionale 24/7, pa ndërlikime.
Ajo çfarë e bën këtë platformë unike është fakti që u jep përdoruesve fuqinë të krijojnë si profesionistë, pa pasur nevojë për aftësi të avancuara teknike. Një zgjidhje e thjeshtë për individët, por edhe për bizneset e vogla që duan të ndërtojnë identitetin e tyre vizual me stil dhe shpejtësi.

Një lancim që nisi me Growpreneur
Ndryshe nga shumë startup-e që zhvillohen në heshtje për muaj të tërë, Stampisti u krijua, u formësua dhe u prezantua për herë të parë gjatë Growpreneur. Programi per Elenen ishte shume nxitësi që ktheu një ide të guximshme në një produkt real.
“Produkti është krijuar gjatë Growpreneur. Ka marrë jetë dhe formë aty!” – thotë Elena.
Gjithashtu Elena thotë që aty ku kam kuptuar realisht që duhet ti jap forcë kesaj krijese të vogël kanë qenë mentorimet me ekspertë, vecanerisht David Trayford dhe mbështetja e vazhdueshme e gjithë komunitetit gjatë sesioneve të mentorimit. Demo Day, thote Elena ishte provë vendimtare për të ngritur jo vetëm platformën, por edhe krijimin e vetëbesimit për ta prezantuar atë në skena publike dhe para investitorëve.
Stampisti u lançua zyrtarisht më 30 Qershor 2025, në bashkëpunim me AlbaniaTech. Reagimet e para ishin shumë inkurajuese, të pranishmit e vlerësuan menjëherë thjeshtësinë në përdorim dhe mundësinë që u ofronte klientëve për të qenë vetë krijuesit e produkteve që porosisnin.

Një milestone i papritur – dhe aq më i bukur
Pjesëmarrja në Growpreneur Demo Day solli jo vetëm emocione të forta, por edhe çmime të paditura. “Nuk e prisja të fitonim, ishte një nga momentet që do ta mbaj gjatë në mendje”, kujton Elena. Pikërisht këtu nisi rrugëtimi përtej idesë, tani platforma është reale, ka përdorues të parë dhe feedback të drejtpërdrejtë.



VivaTech Paris – një dritare ndërkombëtare
Falë nje nga çmimeve të fituar në Growpreneur, Stampisti pati mundësinë të përfaqësohej në VivaTech Paris, një nga eventet më të mëdha të teknologjisë në Europë. Për Elenën, kjo përvojë ishte si të hyje në një botë tjetër.
“Nuk kisha parë kurrë kaq shumë njerëz nga gjithë bota të mbledhur në një vend të vetëm, të gjithë të lidhur nga pasioni për teknologjinë dhe inovacionin,” thotë ajo.
Aty u hapën edhe mundësitë e para për bashkëpunime ndërkombëtare, përfshirë negociatat për blerjen e API-ve të reja që do të integrohen në platformë për të përmirësuar përvojën e përdoruesit dhe për ta sjellë Stampisti në një tjetër nivel teknologjik.
Çfarë po vjen më tej?
Stampisti është vetëm në fillim të rrugës. Platforma pritet të zgjerohet me produkte të reja, të integrojë inteligjencën artificiale për dizajn më të avancuar dhe të hapë një faqe të re ku do ekspozohen produkte të krijuara nga graphic designers shqiptarë.
Në të njëjtën kohë, janë duke u eksploruar mundësi investimi dhe bashkëpunimi me prodhues jashtë Shqipërisë për të sjellë pajisje të reja printimi në tregun vendas, një mundesua që lindi pikërisht gjatë VivaTech Paris 2025.
Në një treg ku gjithçka ofrohet si “gati për përdorim”, Stampisti jep diçka ndryshe: një hapësirë për të krijuar diçka që është realisht e jotja. Për shumë klientë, kjo nuk është thjesht një platformë por një mënyrë për të shprehur personalitetin.